Qujatta elimizdiń on bir zańyna túzetýler engiziledi. Engiziletin ózgerister ishinde zeınetaqy men áleýmettik járdemaqylardy taǵaıyndaý máselelerin retteıtin erejeler bar.
Jobaǵa sáıkes, 2017 jylǵy 1 shildeden bastap jasyna jáne eńbek sińirgen jyldary úshin beriletin zeınetaqy tólemderi jáne bala týýǵa baılanysty járdemaqy mólsherleri 20 paıyzǵa ósedi. Jasy boıynsha zeınetaqy taǵaıyndaýda qajet tabystyń eń joǵary mólsheri 41-den 46 aılyq eseptik kórsetkishke deıin artady. Jumys berýshige 5 paıyz kólemindegi mindetti zeınetaqy jarnalaryn engizý 2018 jyldan 2020 jylǵa aýystyrylady.
Zań jobasy múgedek balalardyń ata-analaryna tólenetin járdemaqyny taǵaıyndaý prosesin ońtaılandyrýdy kózdeıdi. Atap aıtqanda, endi múgedektikti bastapqy belgileý jónindegi medısınalyq-áleýmettik saraptamadan ótý kezinde bir mezgilde osyndaı járdemaqyny taǵaıyndaýǵa arnalǵan ótinishti «elektrondyq úkimet» veb-portaly arqyly bere alady.
Sondaı-aq, zań jobasyna birmezgilde jasy boıynsha alatyn zeınetaqy jáne eńbek sińirgen jyldary úshin beriletin zeınetaqy tólemderine quqyǵy bar adamdarǵa tańdaý múmkindigin naqtylaıtyn erejeler engiziledi. Qyzmetin doǵarǵan, ómir boıy qamtamasyz etilgen sýdıalarǵa eńbek sińirgen jyldaryna baılanysty zeınetaqy tólemderi taǵaıyndalmaıdy.
Zań jobasy Palatanyń qaraýyna jiberildi.